Mat og musikk av ypparste kvalitet.
Det blir skjemt og alvor med musikk av topp-musikarar innimellom fire rettar med kvalitetsmat med lokale råvarer – med andre ord ein fornøyeleg og fordøyeleg kveld.
Booking av billettar direkte til Nythun ved
cG9zdCB8IG55dGh1biAhIGNvbQ==, eller på TicketCo.
Enjoy food and music of the highest quality, Hemsingfestivalen-style.
Each of four gourmet locally-sourced courses across the evening will be punctuated by fabulous musical interludes from our world-class musicians.
Booking of tickets directly to Nythun,
cG9zdCB8IG55dGh1biAhIGNvbQ== or TicketCo.
PROGRAM
Edvard Grieg: Frå 19 norske folkeviser, op. 66:
«Kulokk», «I Ola-dalom, i Ola-tjønn» og «Gjendines bådnlåt»
Unni Løvlid & Tor Espen Aspaas
Pauline Viardot-Garcia: Bohemienne, Romance og Tarantelle
Raphaela Gromes & Tor Espen Aspaas
Johann Seb. Bach: 3. sats frå Sonate i h-moll, BWV 1014
Vegar Vårdal: «I eikeskogen», springar
Johannes Martens & Tor Espen Aspaas
Trad.: «Jeg går i tusind tanker»
Unni Løvlid
Pablo da Sarasate: Zigeunerweisen
Eldbjørg Hemsing & Tor Espen Aspaas
Musikarar frå festivalen som opptrer:
Tor Espen Aspaas (klaver)
Julien Quentin (klaver)
Eldbjørg Hemsing (fiolin)
Raphaela Gromes (cello)
Unni Løvlid (song)
Johannes Martens (cello og harding-cello)
Har kunstig intelligens rett om forholdet mellom musikk og mat?
«Musikk og mat er begge viktige for god fysisk og mental helse; musikk frigjer hormon som dopamin og endorfin, reduserer stress og forbetrar minnet, mens eit balansert kosthald med eit mangfald av næringsstoff er avgjerande for å førebyggje sjukdommar. Begge kan også skape sosiale band og forbetre livskvaliteten.»
Men mat kan også vere kunst: i smak, i komposisjon, i måten det er servert på, og i måten det seier noko om kvar vi kjem frå – identiteten vår. Når Hemsingfestivalen på ny arrangerer «Smak med tonar», er det igjen Marit og Jørn som har komponert den fireretters menyen. Ei reise i fisk, kjøtt, søtt og syrleg – med den beste maten frå nærområdet. Tor Espen Aspaas, som også trakterer klaveret, loser dykk gjennom den musikalske delen av reisa, som byr på folkemusikk, romantisk virtuos fiolinmusikk og sigøynar-inspirert musikk i fleire tappingar. Det heile er sett saman med målet om å tilfredsstille alle sansar og kroppslege organ. Når nokre av dei aller beste musikarane innanfor sine spesialområde opptrer, kan vi love ei oppleving utanom det vanlege – for ei eksklusiv forsamling. Det er nemleg svært avgrensa med plassar på Nythun, så smi mens jernet er varmt!
Unni Løvlid er ein fullblods folkesongar som òg har gjort inntrykk innanfor mange sjangrar, og ho er premiert som «Årets folkemusikar», vinnar av Landskappleiken og Spellemannprisen. Ei fantastisk stemme du ikkje gløymer.
Den tyske stjernecellisten Raphaela Gromes går ofte litt utanom standardrepertoaret ved å løfte fram ukjente kvinnelege komponistar som fortener å bli omtala. Så også denne gongen på Nythun med stykke av Pauline Viardot-Garcia.
Johannes Martens er til dagleg cellist i Oslo-filharmonien og slår eit slag for harding-celloen og spennande arrangement frå repertoar vi kjenner frå andre besetningar. Kva med slåttemusikk av Vegar Vårdal og barokkmusikk av Johann Sebastian Bach?
Men vi må ikkje gløyme Eldbjørg Hemsing, som frå store internasjonale framføringar, plateinnspelingar og festivalleiing i Oslo har med seg Pablo dei Sarasates «Zigeunerweisen», musikk inspirert av romani-folkets fiolinmusikk, men også av Franz Liszts ungarske rapsodi. Stykket er overveldande, virtuost og fullt av feite fiolinklangar, og er på ingen måte vegetarisk. Apropos det, la oss til slutt i denne presentasjonen gi ordet til matkunstnarane Marit og Jørn:
«Å lage mat til fantastisk musikk … for ei glede! Vi startar med forretten. Grieg må nytast saman med dei norskaste godbitar. Kan vi lage noko av råvarer frå storslått, norsk natur?
Fisk og musikk. Korleis kombinerer vi det? Finstemte smakar og tonar, ferske råvarer, vi finn harmonien mellom dei forskjellige smakane og utfordrar gjestene aldri så lite.
Bach og hovudrett. Kjøtt av beste kvalitet, grønsaker frå eigen hage, lokale ingrediensar og innovative vriar. Mat som skal passe til dei gamle meistrane, ei utfordring vi tek på alvor. Mektige smakar blir til av langsam koking og kjærleik til faget.
Folkemusikk og dessert. Folkeleg, tradisjonelt, men kan vi utfordre tradisjonane? Kreative kombinasjonar, smakar og estetikk. Ei søt avslutning, lett, frisk og finstemt!
Ei spretten musikalsk avslutning, korleis kan den smake? Vi vel overrasking, utradisjonelt og leikent. Og ikkje for tungt og mettande, det skal passe til nytrakta kaffi og få plass på toppen av måltidet. I Frankrike blir dei kalla ‘petits fours’. Ver så god!»
You may also like the following events from Hemsing Festival:
Also check out other
Music events in Lillehammer,
Entertainment events in Lillehammer,
Food & Drink events in Lillehammer.
